Welcome to Surxonstat   Click to listen highlighted text! Welcome to Surxonstat Powered By GSpeech

Joriy yilning 30- iyun kuni aholini ro‘yxatga olish masalalariga bag’ishlangan vebinar bo’lib o’tdi.

Ushbu tadbir Yevropa Ittifoqining O‘zbekistondagi vakolatxonasi hamkorligida tashkil etildi. Vebinarda 25 dan ortiq ishtirokchilar, xususan xalqaro tashkilotlar vakillari, Italiya, Chexiya, Estoniya davlatlari ekspertlari, tegishli vazirlik va idoralar vakillari hamda qo’mitaning  markaziy apparati xodimlari ishtirok etdi.

Vebinarni qo'mita raisining o'rinbosari M. Ziyadullayev kirish so’zi bilan ochib berdi. Demografiya va mehnat statistikasi boshqarmasi boshlig’i Q. Berdiqulov so’zga chiqib, O‘zbekiston Respublikasida 2022- yilda aholini ro‘yxatga olishga tayyorgarlik jarayonida amalga oshirilgan ishlar va kelgusida bajarilishi lozim bo’lgan vazifalar to’g’risida batafsil ma’lumot berdi.

 Shuningdek, xalqaro ekspertlar tomonidan aholini ro‘yxatga olishni rejalashtirish, uning strategiyasi va vaqtinchalik smeta xarajatlarini tuzish, aholini ro‘yxatga olish ma’lumotlarini qayta ishlash texnologiyasi masalalari yuzasidan ma’ruzalar qilindi.

Tadbir so’nggida xalqaro ekspertlar va qo’mita markaziy apparati xodimlari o’rtasida aholini ro‘yxatga olish masalalari yuzasidan qizg’in bahs-munozaralar bo’lib o’tdi.

Axborot xizmati

Joriy yilning 30- iyun kuni Davlat statistika qo‘mitasida Jahon bankining “Ochiq ma'lumotlar ekotizimini rivojlantirish, salohiyatni oshirish va joriy etish” loyihasiga ko‘ra, YXHTning O‘zbekistondagi loyihalari Koordinatori ko‘magida ilgari o‘qitilgan ochiq ma'lumotlar bo‘yicha milliy trenerlarning malakasini oshirish bo‘yicha o‘quv-seminari tashkil etildi.

Tadbir davomida Jahon banki eksperti Ivan Fost ochiq ma'lumotlarni boshqarish metodologiyasi, ma'lumotlarni inventarizatsiya qilish yondashuvlari, mos yozuvlar ma'lumot manbalarini ajratish, ma'lumotlar sifatini baholash haqida ma’lumot berdi.

Trening natijalariga ko‘ra, trening ishtirokchilari ochiq ma'lumotlar yetkazib beruvchilar bilan ishlashda tizimli yondashuvga, O‘zbekistonning ochiq ma'lumotlari faoliyatini tartibga soluvchi me'yoriy hujjatlar sifatida yakunlanishi va qabul qilinishi mumkin bo‘lgan individual uslubiy hujjatlar loyihalari, texnologik imkoniyatlar, tartibga solish cheklovlari, foydalanuvchi so‘rovlari, bo‘limlarning kadrlar imkoniyatlari o‘rtasidagi ma'lumotlarni ochishda muvozanatli ish algoritmi kabi tushunchalarni chuqurroq o‘rganish imkoniyatiga ega bo‘ldilar.

Ta’kidlash joizki, 2019- yilda YXHTning O‘zbekistondagi loyihalari Koordinatori tomonidan “Training of trainers in Open Data” o‘quv-seminari doirasida yurtimizdagi 88 ta vazirlik va idoradan 185 nafar xodim o‘qitildi.

 

2020- yilda ochiq ma'lumotlar bilan ishlash bo‘yicha mas'ul vazirlik va idoralar xodimlari uchun o‘quv kurslarini davom ettirish rejalashtirilgan. O‘z malakasini oshirgan trenerlar Davlat statistika qo‘mitasi, IT-Park, YXHTning O‘zbekistondagi loyihalari Koordinatori va Jahon banki ko‘magida o‘qishni davom ettiradi.

 Axborot xizmati

Mamlakatimizda bugun – Yoshlar kuni! Prezidentimiz Shavkat Mirziyoyev ushbu sana munosabati bilan barcha O‘zbekiston yoshlarini tabrikladi.

Davlatimiz rahbari o‘z tabrigida “Yoshlar – kelajagimiz” dasturi doirasida yosh avlod vakillarining 7 ming 775 ta biznes loyihasiga 1 trillion 635 milliard so‘mdan ziyod imtiyozli kredit mablag‘lari ajratilib, shu asosda 40 mingga yaqin yangi ish o‘rni tashkil etilganini alohida qayd etdi.

Yurtimizda 2017- yildan buyon 30- iyun – Yoshlar kuni sifatida keng nishonlanib kelinmoqda. Davlat statistika qo‘mitasida ham Yoshlar kunini munosib nishonlash maqsadida turli tadbir va loyihalar o‘tkazilmoqda. Ularning mehnat qilishi, kasbiy salohiyatini oshirishi uchun barcha shart-sharoit yaratilgan.

Davlat statistika qo‘mitasi jamoasi statistika tizimida faoliyat yuritayotgan barcha yoshlarni bayram bilan samimiy qutlaydi.

Axborot xizmati

2020- yil 26- iyun kuni Davlat statistika qo‘mitasida Statistika ishlarini tashkil etish va metodologiya boshqarmasi va Yuridik bo‘lim tomonidan hududiy statistika boshqarmalari xodimlari uchun ma'muriy huquqbuzarlik to‘g‘risidagi ishlarni ko‘rib chiqishda qonuniylikni ta'minlash yuzasidan onlayn o‘quv-seminar o‘tkazildi.

Vebinarda dastlab, statistika sohasida huquqbuzarliklarning oldini olish, ma'muriy huquqbuzarliklar to‘g‘risidagi bayonnomalarni rasmiylashtirish, korrupsiyaga yo‘l qo‘ymaslik bo‘yicha batafsil to‘xtalib o‘tildi.

Shundan so‘ng, Yuridik bo‘lim boshlig‘i Qodir Musayev ma'muriy huquqbuzarlik to‘g‘risidagi ishlarni ko‘rib chiqishda qonuniylikni ta'minlash borasida atroflicha ma'lumot berdi.

Tadbir yakunida mavzu yuzasidan berilgan savollarga mutaxassislar batafsil javob qaytardi. Hududiy statistika boshqarmalari xodimlariga amaliy ahamiyatga ega bo‘lgan taklif va tavsiyalar berildi.

 

Axborot xizmati

Shu yil 1- iyun kuni davlatimiz rahbari boshchiligida milliy statistika sohasini takomillashtirish chora-tadbirlari yuzasidan oʻtkazilgan yigʻilishda Prezidentimiz tomonidan statistika tizimini takomillashtirish, kadrlar salohiyatini oshirish bo‘yicha qator topshiriqlar berilgan edi.

Ushbu topshiriqlar ijrosini ta'minlash maqsadida, Davlat statistika qo‘mitasi tomonidan statistika tizimi xodimlarining kasbiy salohiyatini oshirish borasida muntazam ravishda onlayn o‘quv-seminarlari o‘tkazib kelinmoqda.

Joriy yilning 29- iyun kuni tashkil etilgan navbatdagi vebinar milliy hisoblar tizimining asosiy atamalari va ko‘rsatkichlari masalasiga bag‘ishlandi.

Tadbirda, Davlat statistika qo‘mitasi rahbariyati va hududiy statistika boshqarmalari vakillari ishtirok etdi. Kadrlar malakasini oshirish va statistik tadqiqotlar instituti direktori Bahodir G‘oyibnazarov hamda qo‘mitaning Makroiqtisodiy indikatorlar va milliy hisoblar boshqarmasi boshlig‘i Aziz Mamirov mavzu yuzasidan atroflicha ma'lumot berdi.

Jumladan, milliy hisoblar tizimining asosiy atamalari va ko‘rsatkichlari, yalpi ichki (hududiy) mahsulotni hisoblash usullari bo‘yicha alohida to‘xtalib o‘tildi.

Shuningdek, yalpi ichki mahsulotning o‘sish sur'atlari va deflyator indekslarini hisoblash usullari, MHT-1993 va MHT-2008 o‘rtasidagi farq, kiritilgan o‘zgarish hamda yangiliklar haqida keng tushuncha berildi.

Vebinarda hududiy statistika boshqarmalari xodimlarining qiziqtirgan savollariga batafsil javob qaytarildi.

 

Axborot xizmati

Surxonstat.uz
Welcome to Surxonstat   Click to listen highlighted text! Welcome to Surxonstat Powered By GSpeech
Tugmani bosing Tinglash
Tugmani bosing Tinglash